جدا تھی شان ان کی ہر زماں سے

آج بتاریخ 6/3/2020ہم سب تیمیین و تیمیات کے روحانی پدر،مفسر قرآن،محدث زماں، عالم اسلام کی معروف شخصیت اور بانئ جامعہ امام ابن تیمیہ علامہ ڈاکٹر محمد لقمان السلفی بوقت بعد نماز جمعہ مکہ کے مسجد حرم سے قریب مقبرہ المعلی میں نم آنکھوں سے سپرد خاک ہو کر ہمیشہ ہمیش کے لئے ہم سے جدا ہو گئے ،سعودی عرب کےدور دراز علاقےمیں مقیمین تیمی حضرات بھی جنازے کے ساتھ شریک غم تھے۔

 دکتور کو آخری نظر دیکھنے،کندھا دینے اور تدفین کا ارمان لئے میں بھی مسجد حرم سے نماز جنازہ کے فورا بعد بھاگتاہوا جنازہ کے پاس پہنچا،الحمد للہ میری تمام خواہشیں پوری ہوگئیں،تدفین کے بعد اشکبار آنکھوں کے ساتھ دکتور لقمان رحمہ اللہ کے بیٹے دکتور عبداللہ(رئیس جامعہ امام ابن تیمیہ) سے ملاقات کی،بعدازاں ہم سب تیمی اخوان نے تعزیت فرمائی،جن میں شیخ ثناءاللہ صادق ،شیخ معراج،شیخ عزیر کوثر،شیخ حفیظ الرحمان،شیخ ظل الرحمان،شیخ سیف الرحمان،شیخ شفاءاللہ الیاس ،شاداب امیر ،انعام عظیم اور عبدالرشید وغیرہم موجود تھے،اس میں شیخ کی بہت ساری خوبیاں بیان کی گئی۔

۔   اللہ تعالی ہم سب تیمیین و تیمیات کےساتھ ہندوستان کے مشہور و معروف ادارہ جامعہ امام ابن تیمیہ کو ان کیلئے صدقہ جاریہ بنادے،ان کی لغزشوں کو معاف کرکےدرجات کو بلند فرمائے اور ان کی خدمات کو قبول کرے آمین ثم آمین یارب العالمین۔

 غمزدہ

  انعام عظیم تیمی

جامعہ اسلامیہ مدینہ طیبہ سعودیہ عربیہ