سانحہ ارتحال ڈاکٹر محمد لقمان سلفی رحمہ اللہ! *بانی جامعہ ابنِ تیمیہ چندن بارہ چمپارن*

دین    کے   داعی    سپاہی    حضرت    لقمان   تھے

عالم   ذی   مرتبہ   اور    سلفیوں   کی   شان   تھے

قوم    کو   دی    ہے   نشانی    تیمیہ   کے   نام  سے

جس  کے  بانی  حیثیت  میں  روح تھے اور جان تھے

یا     الہی     فضل     سے    تیرے    رہے    آباد    وہ

پوری  کر  دے  حسرتیں  اور  ان  کے جو  ارمان تھے

طاعت    رب    میں  گذاری   اپنی    ساری    زندگی

بندگی      اللہ     کی     فرمان    پے    قربان     تھے

وہ   مفسر،   وہ   محدث،   اور    مصنف    بے  مثال

تھے  امانت  سلف  کی  اور حق کی  وہ  پہچان تھے

خوبیاں  اللہ  نے   دی   ان   میں   بے  حد  بے  شمار

سہل   سے   وہ   متصف   سب   کے  لئے  آسان  تھے

بھول  جاؤں  کس  طرح  ان  کے  جو  احسانات ہیں

میرے    محسن    اور   مخلص   ڈاکٹر   لقمان   تھے

صاحب     علم    و   بصیرت    معرفت    اللہ     کی

فضل  اس  کا  ہی تھا جس  سے  وہ ذکی اذہان تھے

فارغین    سلفیہ    کو    شرف    ان    پے    ناز    ہے

ایک  مستحکم  ستوں  اور  اس  کے  وہ  ارکان  تھے

وہ     صدر    ابنائے   سلفی   ایک    مدت   تک   رہے

تھے    معزز   اور    مؤقر   اور    عالی    شان    تھے

پوچھتے   کیا  ہو  جمعیت   کس   قدر   فعال   تھی

جو بھی تھے وہ سب کے سب پوری طرح قربان تھے

التجاء  عارف  کی  ہے  سب بخش دے  ان  کی خطا

بندگی   تیری  ہی  کرتے   تھے  وہ   ایک  انسان  تھے

~عرفان عارف سلفی