غزل

ساگر تیمی 

اس کی آنکھوں ميں تبسم کی ادا آجائے

ہونٹ کھل جائے تو بلبل کو حیا آجائے

ایک چہرہ ہے کہ ماہتاب کہ روشن سورج

آنکھ حیران رہے ، لب پہ دعا آجائے

جب بھی بولے تو حیا ٹپکے شرافت جھلکے

ہو تبسم تو تبسم میں وفا آ جا ئے

سامنے بیٹھ تجھے آج میں دیکھوں من بھر

موت سر پہ ہے کیا جانے قضا آجا ئے

یہ ہے قسمت کہ روایت کا تسلسل کیا ہے

جب بھی آ جائے وفا ذکر جفا آ جائے

ہے معالج کی ضرورت تو بلاؤ نا حکیم

ہے مرض تیز تو بولو نا دوا آ جا ئے

میں بھی ساگر تیری نظروں میں بڑا ہو جاؤں

میرے گھر میں بھی اگر 'فضل' خدا آجا ئے