صوت التيمي

غزل

ساگر تیمی

جتنی سوچی تھی نہیں اتنی یہ دنیا کم ہے

  آپ یہ سمجھیں کہ  اس میں میرا حصہ کم ہے

اور بھی روپ ہیں آنکھوں کا دریچہ کھولو

تم نے یہ جھوٹ سمجھ رکھا ہے جلوہ کم ہے

تیرا کہنا ہے  کہ عالم ہے فسادوں سے بھرا

میں یہ کہتا ہوں بھلا ہے مگر ایسا کم ہے

آ بھی جاؤ کہ اندھیروں کا مقدر چمکے

 کیونکہ ان آنکھوں میں جینے کو اجالا کم ہے

اور اک بات ہے جینے کی تمنا لیکن

اور اک بات ہے مرنے کا ارادہ کم ہے

خواب تو یہ ہے تجھے سونے کی دنیا دے دوں

اور اک جیب ہے کم بخت کہ پیسہ کم ہے

ایک تو دل ہے اور اس پر بھی بلا کا غرہ

بات یہ بھی ہے کہ  سینے  میں وہ رہتا کم ہے

میں بھی اک بار تجھے چھوڑ کر جانا چاہوں

پھر یہ کہنا کہ" یہ ساگر ہے اور اچھا کم" ہے